’t Kleurenpalet guf effen wat minder kleur

Een van de thema’s in het programma ‘ ’t kleurenpalet van ’t leven’ is keuzes maken. En dee keuzes wi’j maakt bepaald dan weer de kleure van ’t leaven.
Deur ’t Coronavirus zut ’t d’r allemoale wat minder kleurig uut en geet d’r heel völle neet deur.
’t Advies is um sociale contacten te vermeiden. D’r wordt zelfs al ‘etwiefeld of ’t songfestival wal deur kan goan.
Wi’j hebt d’r doarumme veur ‘ekozzene um de opvoering van ‘ ’t kleurenpalet van ’t leaven’ op 21 meart neet deur te loaten goan.
Wannear i’j al kaarten hebt ehaald, kun i’j dee op ’t zelfde adres weer inlevern en krieg i’j ow geld terruge.
Wi’j goat d’r van uut dat oaver neet al te lange tied alles wear bi’jkleurt. Wannear ’t zometeene veurjoar wordt kleurt alles weer greun en geal.
Greun steet veur; duurzaamheid, natuurluk, rustig, puur, vruchtboarheid, beheersing, hoppe en geluk. En doo’j doar nog wat geal bi’j, dan kri’j ok nog; zon, opvallend, vrolijk, energie, samenwerking, optimisme, hoppe en waarschuwing bi’j. Dat göf dan echt wal wear kleure an ow leaven. En dan zult wi’j wear ne ni’je daotum plannen veur de opvoering van ‘ ’t kleurenpallet van ’t leaven 20.20’.
Den ni’jen daotum ku’j dan onder andere hier op Haart-info, in AaltenVooruit, en op facebook leazen,

Leo & Gerard

WP Facebook Auto Publish Powered By : XYZScripts.com